ملاكي.كوم موقع تقييم ومقارنة السيارات


الاسم	‎Samer El Ayouty
التليفون
التاريخ	2-04-2017
موضوع الشكوى	احذروا توكيل رينو فى مصر
التفاصيل	احذروا توكيل رينو فى مصر السلام عليكم جميعا معلش الموضوع طويل شويه بس حابب كل الناس فى الجروب تعرف مشكلتى مع توكيل رينو زوجتى اشترت عربيه رينو فلوانس موديل 2016 من المصريه للسيارات يوم 18-6-2015 وكنا بنعمل صياتنا منتظمه فى توكيل رينو فرع العبور من اول يوم لغايت قبل صيانه 20 الف كان فى صوت طقطقه فى الدريكسيون وصوت تحت فى العفشه ولما بلغت المهندس المسؤل فى الصيانه عن الشكوى وبعد الكشف على السياره تم ابلاغ ان العربيه محتاجه تغير حاجه اسمها قطمه دريكسيون وانها حاجه مش مهمه وغير مؤثره على العربيه وان القطعه مش موجوده وبمجرد تواجدها هيتم تغييرها فى اول شهر اغسطس -2016 زوجتى كانت على طريق السويس العين السخنه وعلى سرعه اقل من 60 كم وكانت العربيه عامله 23 الف كم سمعت صوت طقطقه من تحت العربيه قالت تركن يمكن تكون العجله نامت ولا حاجه لكنها ملحقتش فى وقت اقل من 30 ثانيه لقيت العربيه بتعوم منها وبتحدف يمين وشمال والدريكسيون بيلف على الفاضى وشافت كان حاجه بطير من العربيه حاولت تمسك الدريكسيون جامد لغايت ما العربيه وقفت بس بعد ما لفت 3 لفات على الطريق وخبطت فى الرصيف والحمد لله الطريق كان فاضى ولما نزلت من العربيه والترلات وقفت الطريق كان فكرها ان العجله نامت ولكنها اكتشفت ان العجله طارت من العربيه بالطنبوره بالكوبلن بالمساعد وبعيده عن العربيه طبعا عملنا محضر فى القسم وطلعنا على توكيل رينو فرع العبور طبعا مهندسين السمكره والحوادث عملونا معامله زباله وطبعا مش عاوزين يعترفوا بان فى عيب صناعه فى العربيه عاوزين يبعدوا التهمه عنهم اللى يقول مخبوطه من تحت واللى يقول خبطه فين الوحيد اللى اتعامل معانا باحترام مدير المركز وقال يعملوا لجنه لمعرفه سبب الحادث بعد كده طلعوا ان سبب الحادثه خبطه فى المساعد الايمن ادى لوقوع الحادث طبعا قدمت شكوى فى حمايه المستهلك وفعلا الجهاز ناس محترمه وبتجرى على حقوق الناس وطلبت فحص العربيه فى كليه هندسه الجهاز حول العربيه على هندسه المطريه وكان تقريره كسر فى ديسك الفرامل ادى الى فرمله العجله ذاتيا ولم يستطيع السائق السيطره على السياره وده نتيجه عيب صناعه واضح فى ديسك الفرامل طبعا التوكيل طلب من الجهاز على العربيه على كليه هندسه اخرى وبالفعل تم فحص العربيه على هندسه عين شمس وما ادراك ما هى هندسه عين شمس طبعا التوكيل جاب العربيه لى هندسه عين شمس متكسره كلها من الامام على الرغم ان وش العربيه كان سليم وقت التسليم للتوكيل وحتى بيوم فحص هندسه المطريه اما بالنسبه لتقرير هندسه عين شمس كتبوا ان يوجد خبطه بسيطه فى المساعد الايمن وهو سبب حدوث الحادث طبعا لجنه السيارات فى جهاز حمايه المستهلك اتعرضت على خبطه بسيطه فى المساعد الايمن واعتدمت تقرير هندسه المطريه لانه الواقعى فعلا اصدر الجهاز قرار استبدال السياره او استرجع القيمه وطبعا التوكيل المحترم قال مفيش عربيه تانيه واخركم 165 الف جنيه تمن العربيه وقت الشرا وده تمن العميل عند شركه رينو شوفوا العربيه تمنها كام النهارده اكتر من 280 اله جنيه 9 شهور من البهدله والعذاب – كل الصور والمستندات موجوده-لو سمحتم احنا محتاجين دعمكم –شير بليز

جميع الحقوق محفوظة © 2008-2017