إزاي تكييف العربية بيشتغل؟ وإيه هي مكوناتة؟

إزاي-تكييف-العربية-بيشتغل-وإيه-هي-مكوناتة-

إزاي تكييف العربية بيشتغل؟ وإيه هي مكوناتة؟
 
أكيد جه في بالك مره وانت واقف على الدائري أو وانت مسافر إنك تسأل إزاي الاختراع العظيم ده اللي أسمه تكييف السيارة بيشتغل، وممكن عمرك ما تكون فكرت في الموضوع ده و أهم حاجة عندك أنه يفضل شغال. على العموم لو حابب تعرف أجزاؤة وبيشتغل إزاي إقرأ الشرح.
أولا التكييف مش بس بيسقع، لأ ده بيظبط الرطوبة كمان اللي جوا العربية، ومعلومة ناس كتير مش عارفينها إن تشغيل التكييف أثناء سير العربية بيزود معدل استهلاك البنزين لأن في طاقة جامدة بتستهلك أثناء عملية التبريد.
دلوقتي هنتكلم عن مبادئ عمل في تكييف العربية:

  1. أولا التبخير: أكيد أي حد مننا لاحظ أنه لو رش كولونيا على ضهر إيده بعدها بثواني هيحس بسقوعية في نفس المكان، وده بسبب تبخر الكولونيا، لأن أثناء البخر السائل بيمتص الحرارة من سطح الجلد عشان يستخدمها في التبخر. 
  2. التكثيف:  لاحظت قبل كده لو حد لابس نضارة وهو خارج من مكان ساقع لمكان سخن، بيتكون بخار على النضارة، ده لأن بخار المايه السخن اللي في الجو هيتكثف على سطح النضارة الساقع. 
  3. حرارة الضغط: هل لاحظت قبل كده إنك لما بتملى كاوتش العجلة بمنفاخ يدوي، إنك بتلاقي طرف المنفاخ سخن؟ ده لأن الضغط اللي بيحصل للهواء بيؤدي لرفع درجة حرارته. 
  4. الضغط: أي غاز ممكن يتحول لسائل بسهولة، مثال على ده المعطر، بيكون سائل جوا الإزازة وبمجرد ما يترش بيتحول لغاز، فلأن الإزازة مضغوطة بيكون المعطر جواها سائل. 
  5. التبريد بالتمدد: وبرضو بالنسبة للمعطر، هتلاحظ إزاي بيقى سائع وهو خارج من الإزازة لمجرد أنه اتمدد.

    طريقة عمل مكيف السيارة

    المعلومات دي في ناس تعرفها، بس في ناس كتير جدا ما تعرفهاش وحبينا نكتبها عشان نمهد للجاي. وف الجزأ اللي جاي هنشوف إزاي بقى المبادئ اللي قولناها هتبرد جوا العربية عن طريق وصلات وأجزاء التكييف.
سائل التبريد اللي في تكييف العربية عند قدرة إنه يتبخر عند درجات حرارة منخفضة، ويتكثف عند درجات حرارة أعلى. 

طيب نيجي للمفيد إزاي التكييف بيشتغل؟
  1. الكومبريسور: ده هو اللي أكتر حاجة بتشتغل في التكييف، بياخد حركته من الموتور عن طريق سير نقل الحركة اللي اتكلمنا عنه قبل كده، ولما التكييف بيشتغل الكومبريسور بيضغط البخار المبرد بضغط عالي للمكثف. 
  2. لمكثف: هو جهاز بيستخدم لتحويل بخار التبريد (اللي جاي من الكومبريسور) اللي ضغطه عالي لسائل، مكانه قدام الرادياتير، وهو شبه الرادياتير. البخار المضغوط من الكومبريسور بيتكثف في المكثف لأنه ضغطة عالي (زي السائل اللي جوا إزازة المعطر)، وبيصدر منه حرارة، الحرارة دي بتروح في الجو عن طريق الهواء اللي بيخبط في سطح المكثف. 
  3. المجفف: بعد المكثف سائل التبريد بيروح الجفف، وده عبارة عن علبة صغيرة، بتشيل أي رطوبة في سائل التبريد، لأن الرطوبة (أو كريستالات التلج) ممكن تدمر بقيت مراحل التكييف. 
  4. صمام التمدد: وظيفته أنه بيقلل ضغط سائل التبريد عن طريق أنه يخليه يتمدد.
  5. المبخر: شكله شبه الرادياتير، وومكانها داخل الصالون خلف التابلوه فوق مكان الرجلين. بعد مرو السائل البارد جوا المبخر، بتبخر سائل التبريد ويمتص الحرارة اللي جوا الصالون، والمروحة بتضخ الهواء البارد اللي فقد حرارته نتيجة تبخر السائل (زي الكولونيا ما بتتبخر من على ظهر إيدك)، فتنخفض حرارة الصالون. والرطوبة بتقل، وبعدين الكومبريسور بيسحب سائل التبريد عشان يبدأ الدورة من الأول.


مراحل عمل مكيف السيارة
 

Expansion Valve:The pressurised refrigerant flows from the receiver-drier to the expansion valve. The valve removes pressure from the liquid refrigerant so that it can expand and become refrigerant vapour in the evaporator.

Evaporator: The evaporator is another device that looks similar to a car radiator. It has tubes and fins and is usually mounted inside the passenger compartment behind the fascia above the footwell. As the cold low-pressure refrigerant is passed into the evaporator, it vaporises and absorbs heat from the air in the passenger compartment. The blower fan inside the passenger compartment pushes air over the outside of the evaporator, so cold air is circulated inside the car. On the 'air-side' of the evaporator, the moisture in the air is reduced, and the 'condensate' is collected and drained away.

Compressor: The compressor then draws in the low-pressure refrigerant vapour to start another refrigeration cycle. The refrigeration cycle then runs continuously, and is regulated by the setting of the expansion valve.

how car air condition works



دي طريقة عمل التكييف مبسطة وكاملة، الصورهتلخص اللي إحنا قولناه.

رسم توضيحي يبين اجزاء مكيف السيارة
 

إن شاء الله المقال القادم سيكون عن أعطال التكييف.

كتب هذا المقال مهندس أحمد فؤاد مؤسس صفحة "Know your car" يمكنك متابعته عبر صفحته من
هنا